Presidenti rus, Vladimir Putin, e ka uruar homologun e tij francez, Emmanuel Macron, për fitoren në zgjedhjet presidenciale të dielën, raporton BBC-ja të hënën.
Sipas njoftimit, Putini nëpërmjet një telegrami i uroi Macronit suksese “në veprimtaritë shtetërore, shëndet dhe mirëqenie”.
Macroni ka fituar 58.2 për qind të votave, derisa rivalja e tij, Marine Le Pen, fitoi 41.8 për qind të votave të balotazhit në zgjedhjet me daljen më të madhe të votuesve në pesëdhjetë vitet e fundit në Francë.
Për Macronin ky është mandati i dytë si president i Francës. Ai është vetëm presidenti i katërt në histori të Francës që arrin të rizgjedhet.
Qëkur ka nisur agresioni rus në Ukrainë, Macron ishte ndër të vetmit lider perëndimor që mbajti komunikim direkt me Putinin. /koha
