Shtetet e Bashkuara kanë ndërmarrë sulme të reja ndaj Iranit, pasi dy ushtarë amerikanë u vranë në Jordani në një sulm që Uashingtoni ia atribuon Iranit.
Presidenti amerikan Donald Trump e cilësoi vdekjen e ushtarëve si “një ngjarje shumë të trishtë”, duke theksuar se “ne kurrë nuk do të lejojmë që Irani të ketë armë bërthamore”.
Nga ana tjetër, komandanti i lartë iranian Ali Abdullahi paralajmëroi Shtetet e Bashkuara se “çdo agresion apo barbarizëm do të përballet me një përgjigje vendimtare dhe shkatërruese” nga forcat e armatosura të Iranit.
Ndërkohë, kompania shtetërore e naftës e Kuvajtit njoftoi se një nga objektet e saj kryesore është goditur nga një sulm iranian. Po ashtu, mediat irakiane raportojnë se Konsullata e SHBA-së në Erbil ka aktivizuar sistemet e mbrojtjes ajrore për shkak të sulmeve me dronë.
Zhvillimet e fundit kanë rritur ndjeshëm tensionet në Lindjen e Mesme dhe kanë shtuar shqetësimet për një përshkallëzim të mëtejshëm të konfliktit në rajon. /mesazhi
