Sekretari i Përgjithshëm i OKB-së António Guterres ka mbështetur hetimin e Gjykatës Penale Ndërkombëtare (ICC) për krimet e luftës të kryera në Bucha gjatë një vizite në qytetin ukrainas.
“Është e rëndësishme të hetohet tërësisht tmerri dhe përgjegjësit të përballen me drejtësinë”, tha Guterres. Ai i bëri thirrje Rusisë që të bashkëpunojë me gjykatën.
Guterres vizitoi qytetet e Borodyanka dhe Irpin, të cilat gjithashtu u goditën nga sulmet ruse. Në të tre qytetet, u gjetën të vdekur shumë civilë pas tërheqjes së trupave ruse.
Sekretari i Përgjithshëm i OKB-së të enjten mbrëma u takua me presidentin ukrainas Volodymyr Zelensky.
