Evropa Ligë vazhdon sot me ndeshjet e radhës.
Sot zhvillohen tetë ndeshje, në dy orare të ndryshme, shkruan lajmi.net.
Arsenali kërkon kualifikimin tutje në shtëpi ndaj Sporting.
Në takimin e parë ‘Topçinjtë’ u ndan baras me skuadrën e Portugalisë.
Sot në ‘Emirates’, me fillim nga ora 21:00, Arsenali luan vetëm për kualifikim tutje në Evropa Ligë.
Takim tjetër interesant është ai në mes Freiburg – Juventus.
‘Zonja e Vjetër’ fitoi me rezultat minimal 1:0 në ndeshjen e parë, që do të thotë ndeshja vazhdon të jetë e hapur.
Ky ballafaqim zhvillohet në Gjermani, nga ora 18:45.
Takimi tjetër është ai në mes Real Betis – Man United.
‘Djajtë e Kuq’ janë pothuajse me një këmbë të kualifikuar për në raundin tjetër, pasi në ndeshjen e parë mposhtën spanjollët me rezultat 4:1.
Roma gjithashtu dolën triumfues në takimin e parë, me rezultat 2:0 ndaj Real Sociedad.
Të dy këto takime fillojnë nga ora 21:00.
