Tre persona janë plagosur me armë zjarri pas mesnatës në një lokal në Deçan.
Policia ka bërë të ditur se për këtë rast është arrestuar një i dyshuar i cili më urdhër të prokurorit është ndalur për 48- orë.
Zëdhënësi i Policisë për rajonin e Pejës, Fadil Gashi ka thënë për teve1.info se në vendngjarje është gjetur dhe sekuestruar edhe një armë.
“Më 13 janar, rreth orës 00:18, policia është njoftuar se në një lokal ka të shtëna me armë zjarri. Policia ka dalë në vendin e ngjarjes, ku në një lokal ka vërejtur tre persona të shtrirë, të lënduar nga arma e zjarrit. Të njëjtit janë dërguar në QMF dhe pastaj në Emergjencës e Spitalit të Pejës.Një person i dyshuar është arrestuar dhe me urdhër të prokurorit të shtetit është dërguar në mbajtje për 48 orë. Në vendin e ngjarjes kanë dalë të gjitha njësitë kompetente për të sqaruar rrethanat e ngjarje, ndërsa janë sekuestruar 1 armë, 1 karikator me 9 fishekë”, tha Gashi.
