“Turqia dhe Pakistani të vendosur për ta rritur bashkëpunimin në të gjitha nivelet”

Turqia dhe Pakistani janë të vendosur të rrisin bashkëpunimin në platformat dypalëshe dhe ndërkombëtare, tha të mërkuren presidenti turk, Recep Tayyip Erdoğan, raporton Anadolu Agency (AA).

“Ne kemi diskutuar në mënyrë gjithëpërfshirëse marrëdhëniet tona dypalëshe dhe çështjet rajonale dhe globale”, tha Erdoğan në një konferencë të përbashkët shtypi me kryeministrin pakistanez Shehbaz Sharif, pas bisedimeve kokë më kokë dhe në nivel delegacionesh në Ankara.

Sharif tha se Pakistani dhe Turqia kanë qëndruar pranë njëri-tjetrit në kohë nevoje dhe për çështje me interes thelbësor.

Pakistani qëndron me Turqinë në luftën e saj kundër terrorizmit, tha Sharif, duke shtuar: “Armiqtë e Turqisë janë armiq të Pakistanit”.