Ky është një rast unik i cili deri më tani nuk ka ndodhë në Kosovë. Që është pa përfunduar një palë zgjedhje, të jenë zgjedhje tjera. Anëtarët e KQZ-së bashkë me mua jemi zënë mund të themi në zgjedhje tjera dhe nuk ka arritur që të bëhet zëvendësimi, duke u bazuar në rezultatet e zgjedhjeve parlamentare”.
Kështu deklaroi ditë më parë kryetarja e Komisionit Qendror të Zgjedhjeve, Valdete Daka kur u pyet se përse dy palë zgjedhje do mbahen me të njëjtit anëtarë të këtij Komisioni.
Por, ai që dikur ishte kryetar i KQZ-së , Mazllum Baraliu thotë se ka anëtarë të subjekteve politike që janë që nga vitit 2007/2008, shkruan gazetatribuna.com
Madje, ai propozon që anëtarët të mos jenë më politik. Thotë se duhet ndryshuar krejtësisht mënyra e përzgjedhjes së tyre.
Emërimin e anëtarëve të KQZ e rregullon edhe akti më i lartë i juridik në vend, Kushtetuta e Kosovës, por rregullohet edhe sipas ligjit.
Nga zgjedhje e fundit në Kosovë, tri grupe janë që kanë shumicën, për shkak të koalicioneve parazgjedhore, por ndryshime duhet të kishte edhe nëse shihet sipas grupit parlamentar pas-zgjedhor.
Ndërsa, KQZ shpejt duhet të ketë edhe kryetar të ri.
Kjo pasi që kryetares aktuale, Valdete Daka i kishte përfunduar mandati në 16 qershorin e këtij viti, por Presidenti i vendit, Hashim Thaçi ia vazhdoi mandatin edhe për 90 ditë të tjera.
