Pesë persona kanë mbetur të lënduar nga një aksident në të cilin janë përfshirë tri automjete njofton Klan Kosova.
“Veturat janë një e tipit Pasat, një Polo dhe një kamion”, ka thënë për Klan Kosovën, zëdhënësja e policisë për rajonin e Prishtinës, Flora Ahmeti.
Aksidenti ka ndodhur rreth orës 13:00 në magjistralen Prishtinë – Gjilan, afër liqenit të Badovcit.
Personat e lënduar janë dërguar për trajtim mjekësor në QKUK, ndërsa policia po heton vendin e ngjarjes për të parë se çka ka çuar deri tek askidenti.