E rrallë, zbulohet breshka me dy koka dhe me 6 këmbë

Breshka e çuditshme me dy koka dhe gjashtë këmbë e lindur në qendrën e kafshëve të egra, po përparon në shëndetin që nga lindja e saj para dy javëve.

Terrapina me diamant është një kafshë mjaft e rrallë, por një anomali gjenetike në këtë lindje të veçantë e ka bërë krijesën edhe më interesante.

Çuditërisht, kokat e saj punojnë veçmas për të dalë në sipërfaqe për të marrë frymë, raporton USA Today.

Stafi që kujdeset për breshkën në Qendrën e Birdsey Cape Wildlife në Massachusetts, thotë se po ushqehet mirë dhe po shijon një dietë me krimba gjaku etj.

Ekspertët në New England Centre Wildlife thonë se është e ngjashme me binjakët e bashkuar që lindin njerëzit. Ekspertët thanë për Fall River Reporter: Ata ndajnë pjesë të trupit të tyre, por gjithashtu kanë disa pjesë që janë të pavarura. Në këtë rast, ata kanë dy koka dhe gjashtë këmbë. Të dyja ishin shumë vigjilente dhe aktive dhe ekipi ynë veterinar ishte shumë kurioz për të mësuar më shumë rreth tyre.

Breshka jonormale vjen nga një specie që kërcënohet në Massachusetts.

Edhe pse të kesh dy koka mund të jetë e rrezikshme dhe shumica e kafshëve që vuajnë nga kjo gjë shpesh vdesin herët, kujdestarët e breshkave janë optimistë.

Ata kanë qenë në kujdesin e tyre për më shumë se dy javë dhe vazhdojnë të jenë të shëndetshëm dhe aktivë. Ata po hanë, notojnë dhe fitojnë peshë çdo ditë sipas New England Wildlife Center.

Breshka e re do jetë nën monitorim për t’u siguruar që ata kanë kontrollin e këmbëve të tyre dhe mund të koordinojnë notin për të marrë frymë siç duhet.

Pas katër javësh, planifikohet për të kryerë një skanim CT për të gërmuar më thellë se si funksionon vërtet truri i tyre. /tvklan.al