Të paktën 17 izraelitë u plagosën sot në Beersheba në Izraelin jugor nga shrapnela (copëzat) e një rakete të lëshuar nga Irani mes përshkallëzimit të vazhdueshëm rajonal, transmeton Anadolu.
Në raportimet e medias izraelite, “Channel 12” theksoi se lëndimet variojnë nga të lehta në të moderuara.
Shërbimi i emergjencës i Izraelit MDA tha se ekipet e tij po ofrojnë ndihmën e parë për 15 persona të plagosur nga copëzat e raketave. Transmetuesi publik KAN raportoi se sirenat kanë rënë në Beersheba dhe zonat përreth, dhe se janë raportuar mbetje raketash.
Sipas Institutit për Studime të Sigurisë Kombëtare të Izraelit, 12 persona janë vrarë dhe 834 të tjerë janë plagosur në sulmet iraniane në Izrael që nga e shtuna, ku shumica me lëndime të lehta.
SHBA-ja dhe Izraeli nisën sulm në shkallë të gjerë ndaj Iranit të shtunën, duke vrarë disa udhëheqës të lartë iranianë, përfshirë udhëheqësin suprem Ajatollah Ali Khamenei.
Në përgjigje, Teherani është hakmarrë me sulme me dronë dhe raketa që synojnë Izraelin si dhe vendet rajonale të cilat janë shtëpia e aseteve amerikane.
