“Kuvendi duhet ta rishqyrtojë Ligjin për Gjykatën Speciale”

Deputeti i Kuvendit të Kosovës nga radhët e Partisë Demokratike të Kosovës (PDK), Nait Hasani, ka thënë se Ligji për Gjykatën Speciale duhet të rikthehet në Kuvendin e Kosovës për t’u trajtuar edhe një herë.

Në këtë intervistë dhënë për gazetën “Epoka e re”, Hasani ka theksuar se rasti i fundit ndaj liderit të AAK-së, Ramush Haradinaj, tregon më së miri se me çfarë sfidash do të përballet Kosova nga Gjykata Speciale.

“Kërkoj nga deputetët që tani është koha dhe momenti të tregojmë se Gjykata Speciale është e padrejtë dhe duhet ta rishqyrtojmë ligjin për këtë gjykatë”, ka thënë Hasni. Duke folur rreth mbajtjes së Haradinajt në Francë edhe për një muaj, deputeti Hasani ka thënë se Haradinaj nga fillimi është peng i politikës.