RB Leipzig është finalist i Kupës së Gjermanisë.
Leipzig arriti ta mposht Werder Bremenin në minutën e 120’ të ndeshjes pas vazhdimeve për të mos dërguar ndeshjen në penalti, shkruan lajmi.net.
Në fakt, skuadrat barazuan pa gola gjatë 90 minutave.
Në pjesën e parë të shtesës, ishte Hwang Hee-Chan i cili shënoi gol në min 93’.
Werder Bremeni arriti të barazojë në fund të pjesës së parë të shtesës.
Bittencourt shënoi gol në min 105’.
Por, kur u mendua se ndeshja do të shkonte në penalti, në skenë doli Emile Forsberg i cili shënoi në min 120+1, pas një asistimi nga Hee-Chan.
Rezultati përfundimtar, Werder Bremen 1-2 RB Leipzig.
Tani, Leipzig është në finale të Kupës së Gjermanisë ku do të ndeshet me fituesin e Dortmund- Holstein Kiel.
