Werder Bremen ka refuzuar ofertën e parë për Milot Rashicën.
Skuadra gjermane, Bremen, është në dijeni se do të humbin shërbimet e yllit kosovar, Milot Rashica, por këtë nuk do ta bëjnë pa mbushur arkat e klubit.
Sipas raportimeve të ‘Bild’, Bremen tashmë kanë refuzuar ofertën e parë të Leipzig për yllin kosovar, transmeton lajmi.net.
Thuhet se Leipzig kanë ofruar 18 milionë euro për kartonin e Milot Rashicës.
Këto raportime nuk bëjnë të ditur se sa kërkon skuadra e Bremen, por më parë është thënë se kërkesat mund të shkojnë deri në 25 milionë euro.
Mbetet të shihet nëse do të ketë ofertë të dytë nga Leipzig për Rashicën.
