Presidenti Hashim Thaçi, ka pritur me ceremoni të lartë shtetërore homologun slloven, presidentin Bourt Pahor, raporton Ekonomia Online.
Për nder të presidentit të Sllovenisë ishte rreshtuar edhe garda e Forcës së Sigurisë së Kosovës.
Thaçi e Pahor do të zhvillojnë një takim, për të dalë më pas në një konferencë të përbashkët për medie.
Të martën Kuvendi i Kosovës për nder të presidentit të Sllovenisë mban seancë solemne. Presidenti slloven do të vizitojë edhe trupat sllovene në kuadër të KFOR-it.
Kjo nuk është vizita e parë zyrtare e tij në Kosovë. Ai ka qenë edhe më 2013 kur ishte pritur me nderime shtetërore nga atëherë ish-presidentja, Atifete Jahjaga.
Edhe më 2008, pas shpalljes së Pavarësisë së Kosovës, Pahor kishte vizituar trupat sllovene, si kryeministër i Sllovenisë.
