Dhjetra njerëz ende nuk dihen ku janë pas një sulmi vdekjeprurës në qytetin Palma të provincës Cabo Delgado ndërsa mijëra të mbijetuar po evakuohen në kryeqytetin e provincës Palma, thonë burimet.
Rebelët kanë luftuar për të kontrolluar qytetin strategjik në veri të Mozambikut për të pestën ditë radhazi, ndërsa raportet thonë se dhjetëra civilë janë vrarë dhe trupat po hidheshin nëpër rrugët e qytetit Palma.
Dhjetëra njerëz janë vrarë, tha zëdhënësi i mbrojtjes dhe forcave të sigurisë të dielën, duke përfshirë shtatë persona të vrarë kur karvanit të tyre të makinave iu zu prita ndërsa përpiqeshin të shpëtonin.
Qindra njerëz të tjerë, vendas dhe të huaj, janë shpëtuar nga qyteti, i vendosur pranë projekteve të gazit me vlerë 60 miliardë dollarë, u tha gazetarëve zëdhënësi Omar Saranga.
Fati i shumë punëtorëve të huaj ishte gjithashtu i panjohur të dielën.
Disa prej të vdekurve iu ishin prerë kokat, sipas Human Rights Watch.
Beteja për Palmën nxjerr në pah krizën ushtarake dhe humanitare në këtë komb të Afrikës së Jugut në Oqeanin Indian.
Kryengritja tre-vjeçare e rebelëve, të cilët kryesisht janë burra të rinj muslimanë të pakënaqur, në provincën veriore Cabo Delgado ka marrë më shumë se 2,600 jetë dhe ka zhvendosur rreth 670,000 njerëz, sipas Kombeve të Bashkuara. /Mesazhi.com
