Siria ka nisur nxjerrjen e naftës nga fushat energjetike të rikthyera së fundmi nga YPG-ja, njoftuan autoritetet siriane.
Vendimi vjen pas rikthimit nga ushtria siriane të disa fushave të naftës në provincat Raqqa dhe Deir Ezzor. Pas rimarrjes së kontrollit, këto fusha iu dorëzuan Kompanisë Siriane të Naftës për administrim dhe shfrytëzim.
Sipas burimeve zyrtare, rifillimi i prodhimit të naftës synon të forcojë sektorin energjetik të vendit dhe të ndihmojë ekonominë siriane, e cila është dëmtuar rëndë nga vitet e luftës dhe sanksionet.
Autoritetet nuk kanë dhënë ende shifra konkrete mbi sasinë e prodhimit, por kanë theksuar se puna do të zgjerohet gradualisht në varësi të sigurisë dhe kapaciteteve teknike në terren. /mesazhi
