Sot, të gjithë sytë e dashamirësve të futbollit gjerman do të shikojnë kah “Alianz Arena”. Për 90-të minuta bota ndalet pasi që miliona njerëz do të jenë nën ethet e kësaj ndeshje të madhe. Bayern Munich do të mirëpres Borussia Dortmundin në klasiken e futbollit gjerman.
Vendi: Munich, Alianz Arena
Koha: 31 mars (e diele), 18:30
Lajmet rreth ekipeve
Bayern Munich
Niklas Sule mund të fillojë në qendër të mbrojtjes nëse Jerome Boateng nuk shërohet pas lëndimit me kombëtaren gjermane.
Thiago dhe James Rodriguez do të sfidojnë Arturo Vidalin për një vend në mesfushën e bavarezëve.
Menaxheri Jupp Heynckes pritet të fusë lojtarët më të fortë, pavarësisht ndeshjes së mesjavës në Ligën e Kampionëve kundër Sevillas.
Borussia Dortmund
Omer Toprak nuk ka gjasa të kthehet nga problemet muskulare në kohë, që do të thotë se Sokratis duhet të ketë për partner në qendër të mbrojtjes Manuel Akanji.
Me Marco Reusin që është i dyshimtë, Maximilian Philipp ose Christian Pulisic mund të kenë një mundësi në krahun e djathtë.
Është gjithashtu e mundur që menaxherit Peter Stoger të luajë me tre mesfushorë, ku Gonzalo Castro do të luajë si mesfushor shkatërrues te milionerët.
A e dini se…?
Bayern është i pamposhtur në 35 ndeshjet e fundit (Bundesliga).
Në 16 nga njëzet takimet e fundit të Bayernit sui vendas janë shënuar mbi tre gola (Bundesliga).
Bayern kanë shënuar të paktën dy gola në 12 nga 14 ndeshjet e tyre të fundit në shtëpi (Bundesliga).
Në pesë ndeshjet e fundit mes Bayernit dhe Dortmundit janë shënuar mbi dy gola.
Borussia Dortmund janë të pamposhtur në 12 ndeshjet e fundit (Bundesliga).
Bayerni ka shënuar të paktën dy gola në pesë ndeshjet e fundit kundër Borussia Dortmundit në të gjitha garat.
Analizë
Bayern Munich do të përpiqet që të rikthehet te fitoret pas humbjes me rezultat 2-4 kundër RB Leipzigut. Ajo ishte humbja e parë në vitin 2018 dhe do të kërkojnë të kompensojnë këtë humbje.
Borussia Dortmund janë të pamposhtur në 12 ndeshjet në Bundesliga nën drejtimin e Peter Stogerit, por u eliminuan nga Liga e Evropës nga Salzburg.
Stoger është nën presion të madh për të përmirësuar rezultatet pasi që ka shumë barazime dhe nuk e ka siguruar ende një vend për Ligën e Kampionëve.
Presim që Bayern të përpiqet të dominojë lojën që në fillim dhe të shënojë shumë shpejt ndonjë gol.
Parashikim: Bayern Munich 3-1 Borussia Dortmund/telegrafi.com
