Ka përfunduar ndeshja në stadiumin “Old Trafford” mes gjigandit anglez Manchester United dhe skuadrës së Southamptonit, ku të dy skuadrat kanë ndarë pikët e barabarta.
Manchester United po vazhdon të kalojë nëpër një formë jo të mirë në Premier Ligën angleze, ku sot pas 90’ minutave lojë ka barazuar me rezultat 1:1 kundër Southamptonit, përcjell KosovaPress.
Fillimisht, rezultatin i pari e zhbllokoi ylli anglez Jadon Sancho, i cili shënoi gol në minutën e 21’ për ta kaluar Manchester United në epërsi prej 1:0.
Golin e fundit në këtë ndeshje, dhe të barazimit për Southamptonin e shënoi sulmuesi Che Adams në minutën e 48’.
Me pikët e reja, Manchester United ngjitet në vendin e pestë në tabelë, ku tani ka arkëtuar 40 pikë, krahas Southamptonit që zë vendin e 10 me gjithsej 29 pikë të arkëtuara.
Rezultati final i ndeshjes mes United dhe Southampton është i barabartë 1:1.
