Shefat e Serie A po konsiderojnë mundësinë ekstreme për të luajtur 12 ndeshjet e mbetura të ligës në Romë.
Sipas La Repubblica, Federata Italiane e Futbollit po punon për një zgjidhje radikale e cila do të shihte sezonin aktual të përfunduar në tërësinë e saj duke përdorur një ide që nuk është provuar kurrë më parë.
Pandemia e koronavirusit e ka sjellë futbollin italian në gjunjë por dëshira për të vazhduar lojën po e shtyn FIGC të krijojë një model të ri kalendarik për të përfunduar edicionin aktual, përcjell lajmi.net.
Ideja është, në rast ekstrem, do të përfshinte transferimin e të gjitha 20 skuadrave, lojtarëve dhe stafit të ligës në Romë, në një mbyllje që do të zgjaste 45 ditë.
Sesione të stërvitjes dhe ndeshjet do të luheshin në objektet në dispozicion të kryeqytetit me masa sigurie pa praninë e tifozëve.
