Manchester United është këndellur pas disfatës turpëruese në fundjavën që lam pas ndaj Liverpoolit, për të triumfuar me rezultat 3-0 si mysafir ndaj Tottenham.
Sfidën e zhbllokoi Cristiano Ronaldo i cili realizoi një gol të bukur në minutën e 39-të, pas një asistimi të bukur nga Bruno Fernandes, gol me të cilin u mbyll 45-minutëshi i parë.
Në pjesën e dytë, United shënuan edhe dy gola të tjerë, fillimisht Cavani dyfishoi epërsinë në minutën e 64-të nga një asist i Ronaldos, gjersa për golin e tretë u përkujdes Marcur Rashford i cili realizoi në minutën e 87-të.
Për të parë golin e Rashford klikoni këtu – VIDEO
United mbyllin kështu një ecuri prej katër ndeshjeve radhazi pa fitore në Premier Ligë (3 humbje, 1 barazim), për t’u rikthyer te fitorja që tani i pozicionon ata në pozitën e pestë aktualisht me 17 pikë të mbledhura pas 10 xhirosh, gjersa Tottenham regjistron humbjen e dytë radhazi, për të qëndruar me 15 pikë në tabelë, e pozicionuar momentalisht në pozitën e tetë.
