Një panel këshillues i jashtëm amerikan ka rekomanduar Administratën e Barnave dhe Ushqimit të SHBA-ve (FDA) të autorizojë përdorimin e vaksinës së kompanisë Moderna kundër koronavirusit të ri (COVID-19), transmeton Anadolu Agency (AA).
Paneli me 20 vota në favor, asnjë kundër dhe asnjë abstenim hapi rrugën për një dritë të gjelbër përfundimtare nga FDA për përdorimin e vaksinës në individët e moshës mbi 18-vjeçare.
Nëse miratohet, vaksina e kompanisë Moderna do të jetë vaksina e dytë kundër COVID-19 në SHBA, pas vaksinës së kompanive Pfizer dhe BioNTech, e cila u autorizua nga FDA javën e kaluar.
Miratimi i FDA-së për përdorim të shpejtë pritet së shpejti.
Të martën, një raport i FDA-së tha se vaksina Moderna është 94,5 për qind efikase dhe se “nuk identifikohen shqetësime specifike të sigurisë që do të përjashtonin” lëshimin e autorizimit të përdorimit emergjent.
“Vaksina shkaktoi reagime të padëshiruara lokale dhe sistemike, që zakonisht zgjasin disa ditë”, tha raporti.
Të hënën e kaluar, një punonjës i kujdesit shëndetësor në New York mori dozën e parë të vaksinës Pfizer/BioNTech.
Sipas të dhënave nga Universiteti amerikan John Hopkins, vdekjet nga koronavirusi në SHBA tejkalojnë shifrën 310 mijë nga mbi 17,1 milionë raste të regjistruara deri më tani.
