Pritet që ashtu si Apple, edhe Google ta ofrojë pa pagesë fillimisht këtë shërbim.
Google mund të shtojë një veçori të ngjashme në Pixel 9 dhe Pixel Fold 2 me funksionalitetin Emergency SOS të Apple.
Njëlloj si sistemi i Apple, funksionaliteti SOS i Google do të aplikohet përmes komunikimit satelitor dhe në bashkëpunim me operatorin celular Amerikan T-Mobile që do të thotë se mund të jetë i disponueshëm vetëm për Amerikanët.
Ky i fundit kishte nisur një bashkëpunim me SpaceX për komunikim satelitor një vit më parë dhe prej Janarit shërbimi është në testim.
Gjithashtu vitin e kaluar një zhvillues gjeti disa rreshta kodi në aplikacionin Google Messages që sugjeronte se funksionaliteti ishte në ardhje me Garmin si ofruesin e saj.
Edhe Garmin ofron një shërbim të tillë për pajisjet e saj InReach duke përdorur rrjetin satelitor të Iridium për të cilin ky i fundit pretendon se është i disponueshëm kudo në botë.
Pritet që ashtu si Apple, edhe Google ta ofrojë pa pagesë fillimisht këtë shërbim.
